今日快报
坐言起行！余香凝九月重返校园
艺人余香凝出席首映礼。早前明言有意重返校园的余香凝坐言起行，已报读公开大学有关社会及心理学课程，9月开学，她坦言：「自己只得中七程度，一直觉得无论思想或做人都好单向，唔识谂多几面，再读书系想培养个人修养。已经冇读书咁耐，依家心情有啲紧张。」为了不想放弃事业，她觉得这个课程比较适合自己：「因为一星期上一、两日堂啫，同埋应该会同同学分组做project，有朋友话我单身，可以睇吓识唔识到新朋友。」她打趣被睇死不能完成四年课程：「依家讲咗出嚟，一定要去啦，冇退路。（学费贵唔贵？）对我嚟讲一啲都唔平，十几万喎，不过可以分期。」她又脱掉最后一只智慧齿：「因为成日发炎，我又想望落瘦啲嘛。」陈庭欣孖男友过32岁生日 好友：早日快嫁前港姐陈庭欣（Toby）寻日32岁生日，一班好友同男友Benny为佢搞咗个生日派对，好友区永权（Albert）、尹诗沛等亦有出席，而Albert亦晒出同Toby合照，见Toby手捧住一个靓蛋糕，旁边仲有用玫瑰花砌成嘅鹦鹉，真系好有心思；其中当然唔少得Toby同Benny合照，而Albert就做「电灯胆」入镜，Albert仲话：「HappyBirthdayToby姐！衷心祝愿你生日快上、每日快乐、早日快嫁！恭喜恭喜！」啲布置咁有心思，相信一定系由Benny出手，难怪Toby笑得咁幸福啦～陈凯琳出海滑水 陈滢晒线头攞彩艺人陈滢相约好姊姊陈凯琳（Grace）出海滑水，原来仲系Grace第一次挑战，陈滢就帮佢拍片留念，仲喺网上甫出滑水片，虽然Grace系第一次玩，不过见佢单手捉住绳，平衡得几好，似模似样，第一次嚟讲已经非常叻！一班粉丝都纷纷畀Like，仲话Grace虽然上身密实，不过晒出嘅长腿都够晒抢Fo！而陈滢都不让Grace专美，乌身晒线头攞番个彩！最钟意冲凉！单文柔囡囡眼仔睩睩萌到爆艺人单文柔今年四月为丈夫陈展鹏诞下一女陈诺瑶（小猪比），眨吓眼小猪比已经四个月大。今日单文柔上载个女啱啱冲完凉嘅相片到社交网，见到小猪比眼仔睩睩望实镜头，仲嘴擘擘好似想讲嘢咁，相当趣致！而小猪比人仔细细轮廓已经相当鲜明，同妈妈一样咁靓女。单文柔留言表示：「我的宝贝，最钟意冲凉玩水，冲完香喷喷。」应采儿到云南送惊喜预祝Yumiko38岁生日圈中潮妈郑希怡（Yumiko）下月6日便38岁生日，人在云南的她，获好姊妹应采儿等为她举行惊喜生日派对，Yumiko在社交网写道：「我的云南style惊喜生日会，我真系完全冇怀疑过你哋，我真系以为我只系嚟工作的。」从相中看到现场布置，除了有Yumiko名字的字母气球之外，还有不少其他气球装饰，Yumiko又透露：「大多数气球都系用口吹的，证明呢个团队……肺很好，多谢你哋。」Yumiko戴上很有地道feel的头饰，应采儿亦有戴上一模一样的，她们更摆出「斗鸡眼」的表情，十分趣怪。倪晨曦在Yumiko的post下留言，祝贺她生日快乐。生日愿望想当爸 罗仲谦娶到杨怡叻过攞奖罗仲谦近日忙于为无线新剧《木棘证人》开工，现身沙田拍外景，剧组特意筹备神秘庆祝派对，席间更获三位女拍档献吻，令谦仔非常感动！童心未泯的谦仔连日来不停「提醒」剧组自己生日，拍档「三张」张文慈、张秀文及张曦雯假装冷淡，原来早已密谋庆祝！谦仔完成最后一场戏前，「家姐」张文慈捧着蛋榚杀到，谦仔见状即O嘴，台前幕后由监制梁耀坚带领，齐齐高唱生日歌，众人更搞笑祝他三年抱两！寿星仔谦仔坦言：「咁多年以嚟，都系第一次有拍档特意为我庆祝生日，真系好感动！（有咩生日愿望？）讲出嚟唔灵?，大家都知我想要啲咩（暗示想当爸爸）。其实最紧要系我同太太身体健康，身边人个个开心。」他表示收工后会与太太杨怡撑枱脚：「过两日到老婆生日，近排好忙，惊冇时间筹备，好彩我备咗案。」又笑说：「张曦雯同张文慈好旺，之前拍《跳跃生命线》，旺到马德钟攞埋视帝！」在旁的张秀文即笑说：「咁我祝你攞『老』飞跃进步奖囉！」谦仔气定神闲回道：「有奖攞梗系好，不过我成个视后（杨怡）都攞咗返屋企，系咪仲叻呢？」脑膜炎中招 韩马利留院两周身体虚弱现年65岁艺人韩马利昨午在社交网发文指自己留院两周，身体仍然虚弱，但就未有透露入院原因，她留言道：「经过两星期同死神搏斗，感谢天父的保守，我今天终于可以出院了，但因身体仍十分虚弱，故未能一一回覆各位的问候，我只有祝大家身体健康，珍惜生命和感恩过每一天。」之后她表示自己患脑膜炎，现已出院，不过个人好虚弱，成日都要瞓觉。往期内容↓↓↓添加Miss.K个人号↓↓↓欢迎勾搭